Tanggapan ng Makatarungang Pabahay ng Virginia

Sino ang Nasasaklawan ng Batas?

Ginagawang ilegal ng Batas sa Makatarungang Pabahay ng Virginia ang diskriminasyon sa residensiyal na pabahay batay sa lahi, kulay, relihiyon, bansang pinagmulan, kasarian, katandaan, katayuang pampamilya, kapansanan, pinagmumulan ng mga pondo, oryentasyong seksuwal, pagkakakilanlan sa kasarian, o katayuang militar. Ipinagbabawal ng batas ang paglalapat ng isang pamantayan sa isang klase ng mga indibidwal habang inilalapat ang ibang pamantayan sa ibang klase ng mga indibidwal.

Halimbawa, magiging ilegal na hilingin sa isang aplikanteng may kapansanan na magbigay ng ulat sa kredito kung ang mga aplikante na walang kapansanan ay hindi kinakailangang magbigay nito.

BABALA: Ang mga website at organisasyong nag-aalok ng pagpaparehistro ng hayop na pantulong ay maaaring magmungkahi na ang pagbili ng naturang sertipikasyon ay magbibigay-daan sa mga indibidwal na dalhin ang kanilang mga hayop sa mga pabahay na walang alagang hayop o hindi magbayad ng deposito para sa alagang hayop. Ang kakayahang makatanggap ng makatwirang akomodasyon ay hindi batay sa pagmamay-ari ng isang hayop na pantulong, ngunit nakabatay sa pagkakaroon ng kapansanan ayon sa pagpapakahulugan ng makatarungang batas sa pabahay. Ang pagmamay-ari ng isang hayop na pantulong—kahit na nakarehistro o sertipikado bilang ganoon—ay hindi awtomatikong nangangahulugang ang isang indibidwal ay ituturing bilang “may kapansanan” sa ilalim ng makatarungang batas sa pabahay. Ipinagbabawal din ng makatarungang batas sa pabahay na ang tagapagbigay ng serbisyo sa pabahay ay mangailangan  ng espesyal na pagsasanay o sertipikasyon para sa mga hayop na pantulong. Basahin ang Dokumento ng Patnubay o tingnan ang brochure upang matuto nang higit pa. 

Ang Batas sa Makatarungang Pabahay ng Virginia  at mga Regulasyon ay nalalapat sa mga transaksiyon sa pag-upa (pagsisikap na magrenta ng apartment o bahay), sa mga transaksiyon sa pagbebenta (pagsisikap na bumili ng bahay), sa mga transaksiyon sa pagpopondo (pagsisikap na makakuha ng pautang sa pabahay), sa mga transaksiyon sa seguro (pagsisikap na makakuha ng seguro para sa mga may-ari ng bahay o paupahan), at sa mga transaksiyon sa pag-aanunsiyo (kung paano nag-aanunsiyo ang mga indibidwal, mga kompanya, at mga pahayagan tungkol sa mga bakanteng paupahan o mga bahay na ipinagbibili).

Sa kasaysayan, karamihan sa mga reklamo sa pabahay ay nakabatay sa lahi. Gayunpaman, patuloy na dumarami ang mga reklamo batay sa kapansanan at sa huli ay maaaring mapalitan ang lahi bilang pinakakaraniwang paksa ng mga reklamo sa diskriminasyon sa pabahay. Sa pangkalahatan, ang mga reklamo batay sa katayuang pampamilya ay ang ikatlong pinakakaraniwang uri ng reklamo sa pabahay.

Mga Halimbawa ng mga Protektadong Uri

Lahi
Ilegal na ipagkait sa isang tao ang pagkakataon sa pabahay dahil sila ay itim o puti.

Kulay
May mga tao na may mas maitim na kutis kaysa sa iba. Ilegal ang pagkakait sa isang tao ng pagkakataon sa pabahay batay sa kadahilanang iyon.

Relihiyon
Ang isang tagapagbigay ng serbisyo sa pabahay ay hindi maaaring tumanggi na magbenta o magpaupa sa isang tao dahil sa kanilang pagsasabuhay ng pananampalatayang Islam o Kristiyanismo.

Bansang pinagmulan
Ang isang tagapagbigay ng serbisyo sa pabahay ay hindi maaaring tumangging magbenta o magpaupa sa isang tao dahil sila ay Asyano o Hudyo.

kasarian
Maliban sa mga pamamahay na magkakasama sa espasyo, magiging labag sa batas na magpaupa sa isang kasarian at hindi sa kabila. Para sa karagdagang impormasyon tungkol sa seksuwal na diskriminasyon, bisitahin ang pahina ng Seksuwal at Di-Seksuwal na Diskriminasyon.

Katandaan
Ang katandaan ay nangangahulugang ang isang indibidwal na nakamit ang kaniyang ika-55 kaarawan. Sa ilalim ng protektadong uring ito, hindi maaaring ipagkait ng isang tagapagbigay ng serbisyo sa pabahay ang pagkakataon sa pabahay ng isang tao dahil siya ay may edad na 55 o mas matanda.

Katayuan ng Pampamilya
Ang katayuang pampamilya ay nangangahulugang pagkakaroon ng mga anak na wala pang edad na 18. Maliban kung ang pasilidad ay isang pasilidad para sa mga nakatatanda o pagreretiro, hindi ito maaaring tumangging magpaupa sa mga pamilyang may mga anak. Gayunpaman, ayon sa batas ang mga pasilidad para sa mga nakatatanda at pagreretiro para sa mga indibidwal na lampas sa edad na 55 o 62 ay maaaring tumangging magpaupa sa mga pamilyang may mga anak.

Sa mga tuntunin ng mga pamantayan sa paninirahan, na may kaugnayan sa mga pamilya at mga bata, ang pangkalahatang patnubay ay dapat na payagan ng mga tagapagbigay ng serbisyo sa pabahay ang hindi bababa sa dalawang tao sa bawat silid-tulugan. Sa ilang mga pagkakataon, dapat payagan ng mga may-ari ng lupa ang higit sa dalawang tao bawat silid-tulugan, samantalang sa ibang mga pagkakataon, ang isang silid-tulugan at ang kabuuang espasyo ng pamamahay ay hindi sasapat para sa dalawang tao sa bawat silid-tulugan. Hindi rin dapat idikta ng mga tagapagbigay ng serbisyo sa pabahay kung saang mga silid-tulugan matutulog ang mga maliliit na batang may magkaibang mga kasarian, dahil ito ay usaping pangmagulang. Hindi rin dapat idikta ng isang tagapagbigay ng serbisyo sa pabahay kung saang palapag dapat manirahan ang mga pamilyang may mga anak.

Kapansanan
Ginagawa ring ilegal ng batas na ipagkait ang mga pagkakataon sa pabahay sa mga indibidwal na may kapansanan. Para sa impormasyon tungkol sa pabahay at mga kapansanan, tingnan ang Pabahay at mga Taong may Kapansanan. Para sa impormasyon tungkol sa disenyo at konstruksiyon ng pabahay para sa maraming pamilya na may mga tampok na kaginhawaan sa pag-akses, tingnan ang pahina ng Disenyo at Konstruksiyon.

Pinagmulan ng mga Pondo
Anumang pinagkukunan ng mga pondo na legal na nagbibigay ng salapi sa, o para sa ngalan ng, umuupa o bumibili ng pabahay, kabilang ang anumang uri ng tulong, benepisyo, o programang subsidyo. (Tingnan ang Dokumento ng Patnubay.)

Oryentasyong Seksuwal
Ang aktuwal o inaakalang heteroseksuwalidad, biseksuwalidad, o homoseksuwalidad ng isang tao. 

Pagkakakilanlan sa Kasarian
Ang pagkakakilanlan na may kaugnayan sa kasarian, anyo, o iba pang mga katangiang may kaugnayan sa kasarian ng isang indibidwal, na mayroon o walang pagsasaalang-alang sa itinalagang kasarian ng indibidwal sa kapanganakan.

Katayuan sa Militar
Isang miyembro ng mga unipormadong puwersa o mga reserba, isang beterano, o isang dependiyenteng tinukoy sa ilalim ng batas. 

Mga Hindi Protektadong Uri

Maraming grupo ang hindi protektado sa ilalim ng alinman sa batas ng estado o pederal sa makatarungang pabahay. Halimbawa, hindi rin protektado ang mga grupo ng mga mag-aaral, mga naninigarilyo, at mga hindi kasal na magkapareha (katayuan sa pag-aasawa). Gayunpaman, ang mga uring ito ay maaaring maprotektahan sa ilalim ng isang lokal na ordinansa. Samakatuwid, bago magbalangkas ng isang makatarungang patakaran sa pabahay, dapat matukoy ng isang tagapagbigay ng serbisyo sa pabahay kung ang mga lokal na ordinansa ay nagpoprotekta sa ilang mga uring hindi saklaw ng batas ng estado o pederal.

Ano ang Mangyayari Kapag Inihain ang Reklamo sa Makatarungang Pabahay?

Ang Tanggapan ng Makatarungang Pabahay ay responsable para sa pagsisiyasat ng mga reklamo sa diskriminasyon sa pabahay.

Ang mga reklamo ay dapat na isampa nang nakasulat sa loob ng isang taon matapos maganap o matapos ang paratang na gawi ng diskriminasyon sa pabahay.

Kapag tinanggap ng Tanggapan ng Makatarungang Pabahay ang isang reklamo para sa pagsisiyasat, ang reklamo ay itinatalaga sa isang imbestigador. Ang layunin ng pagsisiyasat ay upang makalikom ng mga katotohanan tungkol sa reklamo. Karaniwang kinakapanayam ng isang imbestigador ang nagrereklamo, ang tumutugon, at mahahalagang saksi. Maaari ding suriin ng imbestigador ang mga dokumento at mga rekord.

Sa panahon ng proseso ng pagsisiyasat, isang sinanay na propesyonal mula sa Seksiyon ng Alternatibong Pagresolba ng Alitan ang nag-uugnay ng proseso ng pagkakasundo. Ang pagkakasundo ay isang kusang-loob na proseso kung saan ang mga partido ay nagtatangkang lutasin ang reklamo sa pamamagitan ng pagsang-ayon sa mga tuntunin na katanggap-tanggap sa isa't isa. Kung magiging matagumpay ang pagkakasundo, ititigil ang pagsisiyasat. Kung hindi matagumpay ang pagkakasundo, o kung ayaw ng isa sa mga partido na subukang makipagkasundo, magpapatuloy ang pagsisiyasat hanggang sa ito ay makompleto.

Kapag nakompleto na ang pagsisiyasat, ang imbestigador ay nagsusulat ng panghuling ulat ng pagsisiyasat (FIR). Binubuod ng FIR ang impormasyong nakuha sa panahon ng pagsisiyasat, kabilang ang mga pakikipag-ugnayan sa nagrereklamo at tumutugon, mga pahayag ng mga saksi, at mga rekord na nakuha at nasuri sa panahon ng pagsisiyasat. Ang FIR ay inihaharap sa Lupon ng Makatarungang Pabahay (o sa Lupon ng Real Estate para sa mga reklamong kinasasangkutan ng mga lisensiyado sa real estate o kanilang mga empleyado) sa susunod na nakatakdang regular na pulong nito.

Kung maging matagumpay ang pagkakasundo at nagkasundo ang parehong partido, maaaring bumoto ang Lupon upang tanggapin ang kasunduan sa pagkakasundo. Kung hindi naging matagumpay ang pakikipagkasundo sa paglutas ng reklamo, o kung nabigo ang Lupon na tanggapin ang isang kasunduan, ang Lupon ay maaaring magpasya na ibasura ang reklamo o tukuyin kung may makatwirang dahilan upang suportahan ang kaso ng diskriminasyon. Sa mga pagkakataon kung saan tinutukoy ng Lupon ang makatwirang dahilan at naglalabas ng kaso ng diskriminasyon, ang Tanggapan ng Abogadong Panlahat ay magsasampa ng kasong sibil sa sirkitong hukuman upang humingi ng lunas para sa nagrereklamo. Kung ibabasura ng Lupon ang reklamo, ang parehong partido ay aabisuhan sa pamamagitan ng sulat na wala nang karagdagang aksiyong gagawin.

Kung maglalabas ang Lupon ng kaso ng diskriminasyon, ang reklamo ay agad na isasangguni sa Tanggapan ng Abogadong Panlahat para sa karagdagang aksiyon, at ang parehong partido ay aabisuhan nang naaayon sa pamamagitan ng sulat.

Paano Maghain ng Reklamo sa Makatarungang Pabahay 

Kung naniniwala kayo na biktima kayo ng diskriminasyon sa pabahay, maaari kayong maghain ng reklamo sa pamamagitan ng pag-download ng Pormularyo ng Reklamo sa Diskriminasyon sa Pabahay.

*Siguraduhing i-download ang aplikasyon at buksan ang dokumento gamit ang Adobe Reader software.

Available dito ang bersyon sa wikang Espanyol: FORMULARIO DE QUEJA DE DISCRIMINACIÓN DE VIVIENDA de Virginia

May mga problema sa pagbubukas ng mga interactive na form?

Mga mapagkukunan ng pag-troubleshoot dito

Naaakses na Pabahay | Pabahay at mga Taong may mga Kapansanan | Mga Mungkahi para sa mga Tagapagbigay ng Serbisyo sa Pabahay | Pag-aanunsiyo sa Print at Online | Diskriminasyon sa Kasarian

Mga Fact Sheet, mga Brochure at Pangkalahatang Impormasyon

Pangkalahatang-ideya ng Batas sa Makatarungang Pabahay brochure 

Makatarungang Pabahay at mga Taong may Kapansanan: Ingles  

Tungkol sa brochure ng mga Hayop na Pantulong (mga hayop na panserbisyo, kasama, at emosyonal na suporta) 

Tungkol sa Hoarding at Fair Housing Law: Para sa mga Consumer | Para sa Provider ng Pabahay 

Tungkol sa Makatarungang Pabahay para sa mga Taong may Kasaysayang Kriminal brochure 

Batas ng May-ari at Nangungupahan sa Virginia: Handbook ng DHCD para sa May-ari at Nangungupahan 

Poster ng  Fair Housing Law | bersyon ng Espanyol

Makatarungang Pabahay para sa mga Taong may mga Kriminal na Rekord Poster

Mga Teknikal na Publikasyon 

Batas sa Makatarungang Pabahay ng Virginia 

US Department of Housing & Urban Development (HUD): Manwal ng Disenyo ng Fair Housing Act | Upang Tulungan ang Mga Taga-disenyo at Tagabuo na Makamit ang Mga Kinakailangan sa Pagiging Madaling Makatarungang Pabahay   

HUD-Kagawaran ng Katarungan: Pahayag ng Pagkakasundo sa Makatuwirang mga Akomodasyon sa ilalim ng Makatarungang Pabahay Act   

HUD-Kagawaran ng Katarungan: Pinagsamang Pahayag sa Makatuwirang Pagbabago sa ilalim ng Batas sa Makatarungang Pabahay  

Dokumento ng Patnubay ng Lupon ng Real Estate/Makatarungang Pabahay: Makatwirang Akomodasyon at Mga Hayop na Pantulong 

Mga Link sa Iba pang Kapaki-pakinabang na Website ng Pabahay

Kagawaran ng Pagpapaunlad ng Pabahay at Kalungsuran ng Estados Unidos (HUD) 

Mga Pagkakataon sa Pabahay na Ginawang Pantay-pantay (H.O.M.E.) 

Sentro ng Suporta sa Makatarungang Pabahay sa Unibersidad ng Illinois Chicago Pampublikong Paaralan ng Batas

Pambansang Alyansa ng Makatarungang Pabahay  

Pambansang Tagapagtanggol ng Makatarungang Pabahay sa Online  

Hukom David L. Bazelon Sentro para sa Batas sa Kalusugang Pangkaisipan  

Alyansa ng Pabahay ng Piedmont  

Ang mga link at kaugnay na nilalaman ay ibinibigay para sa mga layuning pang-impormasyon lamang. Hindi ito nangangahulugan ng pag-endorso o pag-apruba ng DPOR sa impormasyon, mga serbisyo, mga opinyon, o mga produkto ng mga indibidwal o organisasyon.

Pagbabalangkas ng mga Alituntunin para sa Nangungupahan at Komunidad

Isang mabuting patakarang dapat sundin kapag nagbabalangkas ng mga panuntunan o mga regulasyon ay ang pagbuo ng balangkas ng mga ito upang hindi nagtatalaga ng tanging patakaran laban sa mga bata o sa sinumang kabilang sa mga protektadong uri. Sa halip na magkaroon ng karatula na nagsasabing, "Ipinagbabawal ang pagtakbo ng mga bata sa mga pampublikong lugar," sabihin na lamang, "Bawal tumakbo sa mga pampublikong lugar." Sa halip na sabihing, "Bawal sa mga bata ang tumapak sa damuhan," sabihin na lamang, "Bawal tumapak sa damuhan." Ang mga alituntunin at mga regulasyong inilalapat sa "lahat ng residente" ay hindi gaanong pinaghihinalaan kaysa sa mga patakaran na nagtatangi sa mga bata.

Kung kailangan ninyong ihiwalay ang mga bata, isaalang-alang ang paggawa nito batay sa mga konsiderasyon sa kalusugan at kaligtasan. Halimbawa, kung mayroon kayong isang silid sa pag-eehersisyo na may kagamitan sa pag-eehersisyo, hilingin sa tagagawa na ipaalam sa inyo kung ano ang edad para sa paggamit ng kagamitan nang walang pangangasiwa. Pagkatapos ay magpaskil ng isang karatulang tulad ng, "Ayon sa tagagawa, ang kagamitang ito ay hindi maaaring gamitin ng sinumang wala pang 14 taong gulang, maliban kung sinamahan ng isang nakatatanda."

Pagsusuri ng mga Aplikante

Kung kayo ay isang tagapagbigay ng serbisyo sa pabahay, isang paraan upang mabawasan ang posibilidad na magkaroon ng reklamong nakahain laban sa inyo ay ang pagkakaroon ng parehong pagtrato sa lahat. Ang pagkakaroon ng nakasulat na mga alituntunin na sinusunod ninyo sa bawat aplikante ay makatutulong na matiyak na pantay ang pagtrato ninyo sa lahat. Kayo man ay namamahala ng daan-daang yunit para sa isang malaking kompanya, o isa kayong indibidwal na nagmamay-ari at nagrenta ng ilang yunit, magandang ideya na magtatag ng nakasulat na alituntunin para sa lahat: mula sa kung paano ninyo inaasahang bayaran ang renta, hanggang sa inyong proseso ng pagpapaalis, hanggang sa kung paano ninyo inaasahang kumilos ang mga nangungupahan habang nakatira sa inyong tirahan.

Ang bahagi ng inyong mga alituntunin sa pagsusuri ay dapat isama ang kakayahan ng isang aplikante na magbayad ng renta sa tamang oras. Samakatuwid, maaari ninyong hilingin sa aplikante na magbigay ng impormasyon sa trabaho, kita, at pagpapatunay ng kredito. Gaano karaming kita at kung gaano katagal ang kasaysayan ng trabaho ang kailangan ninyo ay nakasalalay sa inyong merkado ng pabahay. Dapat kayong magtakda ng mga pamantayan na magpapahintulot sa inyo na makipagkompetensiya para sa mga aplikante. Ngunit ang pagtatakda ng mga pamantayan na masyadong mataas ay maaaring ituring na isang pagsubok na hadlangan ang ilang partikular na mga grupo ng tao mula sa inyong mga paupahan.

Bilang karagdagan sa paghiling sa lahat ng mga aplikante na patunayan ang kanilang kita at kasaysayan ng kredito, maaari din ninyong hilingin sa lahat ng mga aplikante na magbigay ng mga sanggunian sa karakter o mga pagsusuri sa kasaysayang kriminal. Kung ang aplikante ay may kasaysayang kriminal, halimbawa, maaari ninyong piliin na huwag magpaupa sa isang indibidwal na napatunayang may sala na maaaring magdulot ng suliranin sa kaligtasan para sa iba pang mga residente sa inyong mga gusali.

• Modelong Patakaran para sa Pagsusuri ng Nangungupahan 

Mga Pagsusuri sa Kaligiran ng Kriminal

Kung kayo ay nag-aalala tungkol sa pag-upa sa ilang mga kriminal na napatunayang may sala, maaari kayong magtatag ng isang pagsusuri sa kasaysayang kriminal bilang bahagi ng inyong pamantayan sa aplikasyon. Sa pagtatatag ng isang pagsusuri sa kaligirang kriminal, tandaan ang sumusunod: ilagay sa dokumento ang inyong patakaran; kunin ang pahintulot ng aplikante na isagawa ang pagsusuri sa kaligiran; ipatupad ang patakaran nang konsistent; at kung tatanggihan ninyo ang aplikante, ipaalam sa kanila ang dahilan.

Ang konsistent na paglalapat ng patakaran sa pagsusuri ng kaligirang kriminal ay nangangahulugang inilalapat ninyo ang patakaran sa lahat. Inilalapat ninyo ito sa mga bata at matanda, itim at puti, at lahat ng nasa pagitan.

Kahit na hindi ka magtatatag ng pagsusuri sa kaligirang kriminal, hindi mo pa rin tatanggapin ang bawat aplikante. Ang pagtanggi sa mga aplikante para sa mga lehitimong dahilan ng kredito, kita, o karakter ay hindi dapat magdulot ng reklamo kung susundin ninyo ang ilang mga pamamaraan. Tulad ng nabanggit, dapat kayong magtatag ng nakasulat na pamantayan sa pagpapaupa na makatutulong sa lahat ng mga aplikante na maunawaan kung paano susuriin ang kanilang mga aplikasyon. Pagkatapos ay konsistent na ilapat ang inyong pamantayan. Kung tatanggihan ninyo ang isang aplikante, magpadala ng liham na nagpapaliwanag kung bakit at panatilihin ang mahusay na mga rekord.

• Modelong Patakaran para sa Pagsusuri ng Nangungupahan

Mga Nangungupahang may Suliranin

Inaprubahan ninyo ang isang aplikasyon at lumipat na ang nangungupahan. Gayunpaman, sa ilang sandali pagkatapos lumipat ang nangungupahan, nagsimula kayong makatanggap ng mga reklamo. Ang pinakabagong nangungupahan ay tila nanliligalig sa ibang mga nangungupahan. At nakatatanggap din kayo ng mga reklamo na masyadong malakas ang kanilang pagpapatugtog ng stereo. Ano ang dapat ninyong gawin?

Kapag nilabag ng mga nangungupahan ang mga patakaran, dapat ninyong ilapat ang mga kahihinatnan nang makatarungan, pare-pareho, at naaayon sa mga itinatag na pamamaraan. Ang mga kahihinatnang inyong ipapatupad ay nakadepende sa inyong mga pamamaraan at sa mga rekord na inyong itinago. Ang ilan sa mga rekord na dapat ninyong panatilihin ay kinabibilangan ng mga reklamong isinampa ng mga nangungupahan laban sa ibang mga nangungupahan; mga reklamong may kasangkot na pulisya; mga liham na ipinadala ninyo at natanggap mula sa nangungupahan tungkol sa mga paglabag sa pag-upa; at anumang iba pang nauugnay na mga liham at impormasyon. Ang pagpapanatili ng detalyado at tumpak na mga rekord ay magiging mahalaga kung kailangan ninyong ipagtanggol kung bakit ninyo pinaalis ang nangungupahan.

Kung hindi kayo nag-iingat ng mahusay na mga rekord, ang pagpapatunay na pinalayas ninyo ang isang nangungupahan para sa dahilang hindi kaugnay ng diskriminasyon ay maaaring maging mas mahirap.

Pamamahala ng mga Kahilingan sa Pagpapanatili

Paano pinangangasiwaan ang mga kahilingan sa pagpapanatili at pagkumpuni sa inyong mga gusali? Pinoproseso ba ng inyong mga tauhan ang mga kahilingan sa pagkumpuni mula sa ilang mga nangungupahan nang mas mabilis kaysa sa iba? Kung gayon, maaari itong humantong sa isang makatarungang reklamo sa pabahay. Sa pangkalahatan, ang mga pag-aayos ay dapat isagawa ayon sa pagkakasunud-sunod ng kanilang pagkakatanggap, na inuuna ang mga pagkukumpuning pangkagipitan kaysa sa mga karaniwang pag-aayos. Kailangang maunawaan ng mga nangungupahan na ang mga karaniwang at hindi pagkukumpuning pangkagipitan ay maaaring tumagal ng ilang araw, o mas matagal pa, upang makompleto.

Dapat maunawaan ng mga nangungupahan sa inyo kung paano ninyo pinoproseso ang mga kahilingan sa pagkukumpuni, at dapat nilang maunawaan kung gaano katagal bago ninyo matugunan ang kanilang kahilingan. Kung ang isang pagkukumpuning pangkagipitan ay nag-aalis sa inyo o sa inyong mga tauhan mula sa isang naka-iskedyul na regular na pagkukumpuni, tawagan ang apektadong nangungupahan at ipaliwanag kung ano ang nangyari. Kabilang sa mga bagay na maaari ninyong gawin upang mabawasan ang posibilidad na magkaroon ng ihihaing reklamo sa pabahay laban sa inyo ay ang maging propesyonal, maging konsistent, makipag-ugnyan sa mga nangungupahan sa inyo, at magpanatili ng mahusay na mga rekord.

Makatwirang mga Akomodasyon at mga Pagbabago para sa mga Nangungupahang may Kapansanan

Bagama't makatwiran ang mga pagbabagong kasangkot na pagpapahintulot sa isang nangungupahang may kapansanan na gumawa ng pisikal na pagbabago sa kaniyang yunit o sa isang pampublikong lugar, ang makatuwirang akomodasyon ay nangangailangang baguhin o iayon ng may-ari ng paupahan ang ilang tuntunin, gawi, o serbisyo kung kinakailangan upang mabigyan ang nangungupahan ng pantay na pagkakataon na gamitin at tamasahin ang yunit. Para sa karagdagang impormasyon tungkol sa makatwirang akomodasyon, bisitahin ang Pabahay at mga Kapansanan: Mga Makatwirang Akomodasyon at mga Pagbabago.

Mga Pamantayan sa Paninirahan

Ang mga pamantayan sa paninirahan ay tumutukoy sa dami ng tao na maaaring manirahan sa isang yunit. Noong Disyembre 1998, naglathala ang Kagawaran ng Pagpapaunlad ng Pabahay at Kalungsuran ng Estados Unidos (HUD) ng isang pahayag ng mga pamantayan na kanilang sinusuri kapag tinataya ang mga pamantayan sa paninirahan ng isang tagapagbigay ng serbisyo sa pabahay, upang matukoy kung ang mga aksiyon sa ilalim ng mga patakaran ng tagapagbigay ng serbisyo ay maaaring ituring na anyo ng diskriminasyon sa ilalim ng Batas sa Makatarungang Pabahay batay sa katayuang pampamilya (na nangangahulugang batay sa pagkakaroon ng mga anak na wala pang edad 18 sa pamilya).

Inilalapat ng Tanggapan ng Makatarungang Pabahay ng Virginia ang pamantayan sa paninirahan ng HUD, na sinipi sa ibaba:

... naniniwala ang Kagawaran na ang isang patakaran sa paninirahan ng dalawang tao sa isang silid-tulugan, bilang pangkalahatang tuntunin, ay makatwiran sa ilalim ng Makatarungang Pabahay Act. Gayunpaman, ang pagiging makatwiran ng anumang patakaran sa paninirahan ay maaaring mapabulaanan. Kaya sa pagsusuri ng mga kaso ng paninirahan, isasaalang-alang ng HUD ang laki at bilang ng mga silid-tulugan at iba pang natatanging pagkakataon. Ang sumusunod na mga prinsipyo at haypotetikal na halimbawa ay dapat makatulong sa inyo sa pagtukoy kung ang laki ng mga silid-tulugan o mga espesyal na pagkakataon ay hindi makatwiran sa patakaran sa paninirahan.  

Sukat ng mga silid-tulugan at yunit 

Isaalang-alang ang dalawang teoretikal na sitwasyon kung saan tumanggi ang isang tagapagbigay ng serbisyo sa pabahay na pahintulutan ang isang pamilyang binubuo ng limang miyembro na magrenta ng isang tirahang may dalawang silid-tulugan batay sa patakarang "dalawang tao sa bawat silid-tulugan". Sa una, ang mga nagrereklamo ay isang pamilyang binubuo ng limang miyembro na nag-aplay upang umupa ng isang apartment na may dalawang malalaking silid-tulugan at maluluwang na lugar ng pamumuhay. Sa pangalawa, ang mga nagrereklamo ay isang pamilyang binubuo ng limang miyembro na nag-aplay upang umupa ng espasyo para sa mobile home kung saan nila planong manirahan sa isang dalawang silid-tulugang mobile home. Depende sa iba pang mga katotohanan, ang pagkakaloob ng kaso ay maaaring nararapat sa unang sitwasyon, ngunit hindi sa ikalawa.

Ang laki ng mga silid-tulugan ay maaari ring maging isang salik na nagmumungkahi na ang isang pagpapasiya na walang makatwirang dahilan ay naaangkop. Halimbawa, kung ang isang mobile home ay inanunsiyo bilang isang bahay na "dalawang silid-tulugan," ngunit ang isang silid-tulugan ay napakaliit, depende sa lahat ng mga katotohanan, maaaring makatwiran para sa tagapamahala ng parke na limitahan ang paninirahan sa bahay sa dalawang tao.

Edad ng mga bata

Ang sumusunod na mga haypotetikal ay nagsasangkot ng dalawang tagapagbigay ng serbisyo sa pabahay na tumangging pahintulutan ang tatlong tao na magkasama ng isang silid-tulugan. Sa una, ang mga nagrereklamo ay dalawang magulang na nasa hustong gulang na nag-aplay upang umupa ng isang silid-tulugang apartment kasama ang kanilang sanggol na anak, at parehong malaki ang silid-tulugan at ang apartment. Sa pangalawa, ang mga nagrereklamo ay isang pamilyang binubuo ng dalawang magulang na nasa hustong gulang at isang tin-edyer na nag-aplay upang umupa ng isang silid-tulugang apartment. Depende sa iba pang mga katotohanan, ang pagkakaloob ng kaso ay maaaring nararapat sa unang haypotetikal, ngunit hindi sa ikalawa.

Pagsasaayos ng yunit

Ang sumusunod na mga kathang-isip na sitwasyon ay naglalarawan ng mga espesyal na pangyayari na kinasasangkutan ng mga pagsasaayos ng unit. Dalawang kapisanan ng kondominyum ang tumanggi sa pagbili ng isang pamilya na binubuo ng dalawang nasa hustong gulang at tatlong bata, batay sa isang patakaran na nililimitahan ang mga pagbebenta sa mga mamimiling makatutugon sa patakarang "dalawang tao sa bawat silid-tulugan". Ang unang kapisanan ay namamahala ng isang gusali kung saan ang pamilya ng lima ay naghangad na bumili ng isang yunit na binubuo ng dalawang silid-tulugan na may isang den o silid-aralan. Ang pangalawa ay namamahala ng isang gusali kung saan ang pamilyang binubuo ng lima ay nagnais na bumili ng isang yunit na may dalawang silid-tulugan na walang silid-aralan o den. Depende sa iba pang mga katotohanan, ang pagkakaloob ng kaso ay maaaring nararapat sa unang sitwasyon, ngunit hindi sa ikalawa.

Iba pang pisikal na limitasyon ng pabahay

Bilang karagdagan sa mga pisikal na pagsasaalang-alang tulad ng laki ng bawat silid-tulugan at ang kabuuang sukat at pagsasaayos ng tirahan, isasaalang-alang ng Kagawaran ang mga salik na naglilimita na tinukoy ng mga tagapagbigay ng serbisyo sa pabahay, tulad ng kapasidad ng septiko, alkantarilya o iba pang mga sistema ng gusali.

Batas ng estado at Lokal

Kung ang isang tirahan ay pinamamahalaan ng mga kinakailangan sa paninirahan ng estado o lokal na pamahalaan, at ang mga patakaran sa paninirahan ng tagapagbigay ng serbisyo sa pabahay ay nagpapakita ng mga kinakailangang iyon, isasaalang-alang ng HUD ang mga kinakailangan ng pamahalaan bilang isang espesyal na pagkakataong nagpapahiwatig na ang mga patakaran sa paninirahan ng tagapagbigay ng serbisyo sa pabahay ay makatwiran.

Iba pang nauugnay na mga salik

Ang iba pang mga nauugnay na salik na sumusuporta sa isang makatwirang rekomendasyon ng sanhi batay sa kongklusyong ang mga patakaran sa paninirahan ay pakunwari lamang ay dapat isama ang ebidensya na ang tagapagbigay ng serbisyo sa pabahay ay may:

Ayon sa handbook ng Mga Opisyal ng Gusali at mga Tagapangasiwa ng Kodigo, para sa mga kadahilanan ng kalusugan at kaligtasan, kailangan ninyo ng espasyong 70 talampakang kuwadrado ng silid-tulugan para sa isang naninirahan. Kung mayroon kayong mahigit sa isang naninirahan, kailangan ninyo ng 50 talampakang kuwadrado bawat tao. Kung mayroon kayong yunit na may isang silid-tulugan na may sukat na 10 x 8 o 80 talampakang kuwadrado, ito ay masyadong maliit para sa dalawang tao. Ngunit kung mayroon kayong isang yunit na may isang silid-tulugan na may sukat na 10 x 16, maaaring sapat na ang laki nito para sa tatlong tao.

Ang mga tagapagbigay ng serbisyo sa pabahay ay dapat magsikap na balansehin ang kinakailangan upang magpatupad ng isang makatwirang pamantayan sa paninirahan laban sa kanilang karapatang protektahan ang kanilang pag-aari mula sa sobrang daming tao. Dapat ding magsikap ang mga tagapagbigay ng serbisyo sa pabahay na balansehin ang kinakailangan upang magpatupad ng isang makatwirang pamantayan sa paninirahan laban sa kanilang karapatang protektahan ang kanilang puhunan. Sa ilang mga pagkakataon, ang isang malaking yunit na may tatlong silid-tulugan ay maaaring makatwirang tumanggap ng pitong o walong tao nang hindi nagdudulot ng sobrang sikip na sitwasyon at hindi nalalagay sa panganib ang puhunan ng tagapagbigay ng serbisyo sa pabahay. Sa ibang mga pagkakataon, ang isang yunit na may tatlong silid-tulugan ay makatwirang tumaggap lamang ng limang tao. Ang bawat sitwasyon at ang mga gusali ay dapat suriin batay sa sarili nitong mga kalagayan.

1. nagbigay ng mga pahayag na diskriminatibo;
2. pinagtibay ang mga patakarang diskriminatibo na sumasaklaw sa paggamit ng mga pampublikong pasilidad;
3. gumawa ng iba pang mga hakbang upang panghinaan ng loob ang mga pamilyang may mga anak mula sa paninirahan sa kanilang pabahay; o
4. ipinatupad lamang ang mga patakaran sa paninirahan nito laban sa mga pamilyang may mga anak.

Mga Mapagkukunan ng Pagsasanay

• Iskedyul ng Klase sa Opisina ng Patas na Pabahay 
• Mga Kursong Inaprubahan ng Fair Housing Board  
• Mga Paaralan na Inaprubahan ng Lupon ng Fair Housing 
• Mga Kurso sa Patas na Pabahay na inaprubahan ng Lupon ng Real Estate (TANDAAN: ang mga kursong nakalista lamang bilang naaprubahan para sa paksa ng Fair Housing ang makakatugon sa dalawang oras na kinakailangan sa sertipikasyon)